WWW.MUNKHTENGER.COM

БИЛЭГДЭЛ

ГАЛЛЕРЕЙ

Профессор Боржигон Чойролжав/ӨМБИС/, Профессор Д.Дашжамц/ШУА/, Академич С.Норовсамбуу/МУИС/, Профессор Р.Рэгжиндорж/УБИС/ зэрэг нэрт эрдэмтэд хуралд оролцов. Б.Чойролжав “Монгол бөөгийн 99 тэнгэр”, С.Норовсамбуу “Өнөөгийн Монголын шашны чиг хандлага”, Р.Рэгзэндорж “Чингис хаан бол Монгол үндэстний ухамсрын сэргээн бадруулагч мөн ”

ХУАНЛИ

ХОЛБООСУУД

ХӨХ МӨНХ ТЭНГЭР

Хөх мөнх тэнгэрийн
Хүрхэрч байх үест
Хөгшин залуу бүгдээр
Хүрээлэн сууж найрлая

Эрхэм сайхан орчлонд
Эел халуун дэлхийн
Амарч байгаа үест
Их бага та нартайгаа
Эрхэмсэгээр сууж найрлая

[2012-01-16]

МӨНХ　ХААНЫ　МӨНХТЭНГЭРИЗМ　

1.Эзэн тэнгэр бол цорын ганц байдаг. Тэр нь Мөнх тэнгэр хэмээн Монголчууд үзэж байжээ. Энэ нь Еврей, Христос, Исламд эзэн тэнгэр бол цорын ганц байдаг гэдэг үзэл, ойлголттой төсөөтэй. Энэ утгаараа Мөнх тэнгэрийн шүтлэг нь шашин болох бөгөөд монотеист шинжтэй гэж үзэж болно.

2.Энд бас Мөнх тэнгэрийн шүтлэг нь бөө мөргөлийн бүрэлдэхүүн биш, зарчим ийн ялгаатай гэдгийг мэдэж болно. Бөө мөргөлд олон онгод тэнгэртэй байдаг. Нас барсан хүний сүнс нь онгод болох ба хүч чадалтайг нь тэнгэр хэмээн шүтнэ. Тэнгэрээ ч сайн муу, зөв буруугаар нь зүүн баруун хувааж, бөө мөргөлийн сэтгэлгээний түүхэнд 99 тэнгэр буй болжээ. Түүнээс гадна байгалийн юмс үзэгдлийг ч онгод тэнгэр болгон дахин шүтэж иржээ. Тэгэхлээр цорын ганц Мөнх тэнгэрийг шүтэж буй сэтгэлгээний хэлбэр, ухамсрын төвшинг бөө мөргөлөөс ялган салгаж бие даасан шашин гэж үзвэл зохино.

3.Тэнгэр ба Мөнх тэнгэр хоёр нь ялгаатай гэдгийг бас энэ бичгийн “тэнгэр дээр цорын ганц Мөнх тэнгэр” ( In Heaven there is only one eternal God ) гэдгээс ойлгож болно. “Тэнгэр” (Heaven) нь сансрын орон зай буюу тэнгэрийн орон, бас бидний нүдэнд үзэгдэж буй байгалийн тэнгэр. Зарим хүмүүс “Хөх тэнгэр” (Blue sky) гэдэг. Харин Мөнх тэнгэр ( Eternal God ) нь түүнд оршиж буй эзэн тэнгэрийн тухай ойлголт болно. Тийм учраас Мөнх тэнгэрийг шүтэх нь эртний аливаа улс үндэстэнд байж өнгөрсөн байгаль шүтлэг биш, боловсрогдож оюун ухаажсан шашин хэмээн үзэж болох юм.

[2011-12-25]

АЛТАНГЭРЭЛ : МӨНХ ТЭНГЭРИЙН ХҮЧ

Мөнх тэнгэрийн хүч-Амийг тэтгэнэм
Мөнх тэнгэрийн суу заль -Ухааныг тэтгэнэм
Мөнх тэнгэрийн элч- Хүн төрөлөхтөнд Үнэн ба Шударгыг таниулнам

Мөнх тэнгэрийн хүч ану- Амийг тэтгэгч Эрчим буюу
Мөнх тэнгэрийн суу заль ану -Чинадыг баригч
Мөнх галын гүн ухаан буюу

Мөнх тэнгэрийн элч хэмээгч ану-
Мөнх тэнгэрийн Суу зальд гэгээрсэн
Мөнх тэнгэрийн Хүчийг олсон
Зөв болоод бурууг таньсан
Үнэн болоод Шударгыг ялуулсан

Ардын сэдхилийг амрааж
Ариун ёсыг дэлгэрүүлэгч тэр мөн буй за

[2011-11-29]

АЯНГА УДГАН : ТЭНГЭРИЙН ГЭРЭЛ

Тэнгэрийн гэрэлд Нэгдэн, цугларч
Тэнгэрийн гэрэлд Хүслээ шивнэ
Тэнгэрийн гэрэлд Зөв сүсэглэн
Тэнгэрийн гэрэлд Зөв амьдарцгаа

Тэнгэрийн гэрэлд Худал бүү ярь
Тэнгэрийн гэрэлд Хулгай бүү хий
Тэнгэрийн гэрэлд Хайрыг мэдэрч
Тэнгэрийн гэрэлд Орчлонг хайрлацгаа

Мөнх Тэнгэрийн
Хувь заяагаа өөрөө өөрөө хариуцан
Мөнх Тэнгэрийн
Хувь хишгээ хамтаараа хамгаалан
Мөнх Тэнгэрийн
Хувь тавилангаараа Төрөө өөрсдөө мандуул.

[2011-11-19]

Х.БАМБАР: МӨНХ ТЭНГЭР БОЛ ДЭЭД ОЮУН УХААН

Тэд Дээд оюун ухаан буюу Мөнх тэнгэр байдаг, зөв үйлээр явах аваас тэтгэдэг, буруу мууг үйлдэх аваас гэсгээдэг гэдгийг нэгэн дуугаар хэлсэн байдаг. Бүх шашны сургаалд үнэн үг буй. Учир нь тэдний уг язгуур нь нэг, Мөнх тэнгэр буюу Дээд оюун ухаан юм. Тиймээс та өөрийн итгэдэг, шүтдэг шашинаа шүтэгтүн, дагагтун, харин өөр бусад шашинтай бүү жиш, аль нь үнэн, аль нь худал, дээр доор хэмээн бүү эргэцүүл, Гагцхүү худал үнэнийг хутган гуйвуулж, цөөхөн монголчуудыг хагаралдуулах элдэв салаа үзүүртэй хорон үг хэлж байгаа хүмүүсээс болгоомжил, эв эеээ хичээ, хар санаатны хатгалганд бүү авт! Ямар шашин шүтлэгтэй хийгээд эс шүтдэг байснаас үл хамааран буруу явдалтан хар санаатныг гэсгээх эрх ба хүч гагц Мөнх тэнгэрт бийг сана.

[2011-11-19]

1 2 3 4 5 6 7 8 9 10 11 12 13 »